陪綴
發佈時間：2016-12-23 12:07:00 點擊：
陪綴
自細漢阿母定定提銀角仔叫我去篏仔店買紅白橐仔，大漢了後才知影紅的佮白的有啥物無仝款。嫁翁了後擱較了解。
親戚朋友中間e禮數，自本就有來有去，爸母甲咱做伙ê沓沓滴滴勻勻仔就成做咱日後做人e底蒂。
一工過一工，行到這e坎站,年歲沓沓仔轉大，體力煞那來那無，誠緊就袂曉討趁。這馬若看著囤置桌面e紅白帖仔，心內就有淡薄仔頓蹬。
古早時重男無重女，咱逐家攏有爸傳囝e風俗，查埔娶某生囝蹛佇祖厝內就愛祀公媽，照起工傳世事，大孫分一份財產是天公地道的! 猶毋過這馬生兩個查某囡仔ê人嘛是誠濟，查某囝嫁出是別人é，嫁去人兜捀人e飯碗,入人e家甲，伊e翁婿就愛接續咱傳統e文化，這是咱e根本。
按呢！是欲按怎？我共這層代誌講予朋友聽，朋友講一句古早話: 人情世事綴甲透，田園厝地賣無夠。
我想了閣想，嘛誠有理!
上一篇：好好珍惜身邊的每個人,每件事,每樣物 下一篇：待稿